Türkiyənin şərqindəki Malatya şəhərində bina çöküb.

KONKRET.az Türkiyə mediasına istinadən xəbər verir ki, dağıntılar altında 20-dən çox insan qalıb.

İnönü küçəsində yerləşən 2 mərtəbəli binanın naməlum səbəbdən uçduğu deyilir.

Hadisə yerinə çoxlu sayda xilasetmə qüvvələri, polis və tibbi qruplar cəlb edilib.

18:29

Dağıntılar arasından 11 nəfər yaralı halda çıxarılıb.

KONKRET.az xəbər verir ki, qəzaya səbəb kimi təmir işləri zamanı səhvə yol verilməsi göstərilir. Binanın 50 yaşı olub.

19:38

Malatyada çökən binanın dağıntıları altından çıxarılan vətəndaşların sayı 14-ə çatıb. 

KONKRET.az xəbər verir ki, bunu Malatyanın bələdiyyə başçısı Səlahəttin Gürkan bildirib.

O, xilas edilənlərin həyatlarına hər hansı təhlükənin olmadığını bildirib.