Türkiyədə yeni növ koronavirus (COVİD-19) infeksiyasına yoluxma və gündəlik ölüm sayında sürətli artım davam etməkdədir. Hökumət ölümcül pandemiyanın yayılma riskini azaltmaq məqsədilə növbəti məhdudiyyətlər tətbiq edib.
KONKRET.az xəbər verir ki, tətbiq edilən məhdudiyyətlər noyabrın 21-dən qüvvəyə minib.
Məhdudiyyətlərin bir qismi şənbə və bazar günlərini əhatə edəcək. Ötən gün Türkiyə vaxtı ilə saat 20.00-da başlanan evdən çıxmaq qadağası bu gün saat 10.00-a qədər qüvvədə olacaq. Eyni qadağa bazar günü də göstərilən saat intervalında tətbiq olunacaq.