Döyüş bölgələrində vəziyyət gərgin olaraq qalır, lakin Ukrayna Silahlı Qüvvələri situasiyaya tam nəzarət edir.

KONKRET.az xəbər verir ki, bu fikirləri Ukrayna Müdafiə qüvvələrinin komandanı, general-leytenant Sergey Nayev səsləndirib.

“Donetskdə və xüsusilə Luqansk vilayətlərində düşmən hər gün və hər gecə Ukrayna qoşunlarını mühasirəyə almaq cəhdləri ilə müəyyən ərazilərə çatmaq istəyir. Bunun üçün əraziyə əlavə canlı qüvvə və texnika toplayır.

Hərbi komandanlıq düşmənin niyyətlərinə adekvat cavab vermək üçün kompleks tədbirlər görür. Müdafiəçilərimiz öz canları və sağlamlıqları bahasına düşmənin hücumlarını dəf edir”, deyə o qeyd edib.

Roman Göytürk,

KONKRET.az