Daxili İşlər naziri, general-polkovnik Vilayət Eyvazov YAP Xətai rayon təşkilatının sədri, Milli Məclisin sabiq deputatı Hüseynbala Mirələmovun oğlunu rəis müavini vəzifəsindən azad edib.

KONKRET.az mediapost-a istinadən xəbər verir ki, V.Eyvazov müvafiq əmri ilə Fərid Mirələmov Daxili İşlər Nazirliyi Nəqliyyatda Baş Polis İdarəsi Nəqliyyatda Baş Polis İdarəsinin Dəmiryolu Nəqliyyatında Polis idarəsinin rəis müavini vəzifəsindən çıxarılıb.

Fərid Mirələmov sərəncama götürülüb.

Daxili İşlər Nazirliyinin mətbuat xidmətinin rəisi, polis polkovniki Ehsan Zahidov xəbəri nə təkzib, nə təsdiq edib.