İspaniyanın “Barselona” komandası baş məşqçi Xavi Ernandeslə bağlı qərarını verib.

KONKRET.az “Sports.ru”ya istinadən xəbər verir ki, Kataloniya təmsilçisi 44 yaşlı mütəxəssislə yollarını ayıracaq.

Rəhbərlik gələn həftə bu barədə onunla rəsmi görüş keçirəcək.

Qeyd edək ki, artıq “Barselona”nın yeni baş məşqçisi də məlumdur. İspaniya nəhəngi almaniyalı Hans-Diter Fliklə anlaşıb. Tərəflər arasında 2 illik müqavilə imzalanacaq.