Yunanıstan parlamentinin silahlanma komissiyası ABŞ-dan silah alınmasını nəzərdə tutan 691 milyon avro dəyərində layihələri təsdiqləyib.
KONKRET.az xarici mediaya istinadən xəbər verir ki, Yunanıstan ABŞ-dan 3 ədəd MQ-9 tipli pilotsuz uçuş aparatı (PUA) və 74 ədəd AAV-7 (Assault Amphibious Vehicle) tipli zirehli amfibiya hücum maşınları alacaq.
Bildirilir ki, ABŞ istehsalı olan MQ-9 tipli PUA-ların uçuş məsafəsi 1850 kilometrdir. Bu PUA-lar 27 saat havada qalır və 15 kilometr yüksəkliyə qədər uça bilir.
Yunanıstan rəsmilərinin sözlərinə görə, PUA-lar Egey və Şərqi Aralıq dənizini daim izləyəcək.
AAV-7 tipli zirehli maşınlar isə ABŞ-da təmir işləri başa çatdıqdan sonra Yunanıstana göndəriləcək. Bu avtomobillər 25-ə qədər dəniz piyadasını daşıya bilər.
İqbal Rzayev,
KONKRET.az