Dünyada türk PUA-larına tələbat artmaqdadır. Artıq 24 ölkə “Bayraktar TB-2” almaq niyyətindədir.
KONKRET.az “Akşam“a istinadən xəbər verir ki, bu barədə “Baykar Makina” şirkətinin texniki direktoru Səlcuq Bayraktar bildirib.
“Bu günə qədər “Bayraktar TB-2” 24 ölkədən sorğu alıb. Sifarişlər və ixrac müqavilələri imzalanıb. Bu rəqəm hər gün artır. Onların bəziləri Şərqi Asiyadan, bəziləri Avropadandır. Dörd ölkədə də “AKINCI”ya tələbat var. Onlarla ixrac müqaviləsi imzalanıb”, – Bayraktar deyib.
Bildirilib ki, “Baykar Makina” şirkəti Ukraynada pilotsuz təyyarələrin istehsalı üzrə zavod tikməyi planlaşdırır.
Qeyd edək ki, “Bayraktar TB-2” 150 km əhatə dairəsinə malik operativ-taktiki zərbə PUA-dır. O, idarə olunan silahları daşıya bilir və 12-24 saat havada qalır.
İqbal Rzayev,
KONKRET.az