İqtisadçı, İsfahan Universiteti iqtisad elmi heyətinin üzvü Mohsen Rənani İsfahanda günlərdir davam edən xalq etirazları ilə bağlı yazıb:

“İran xalqı min illər boyu eyni iqlimdə əkinçiliklə məşğul olsa da, su böhranı yaranmayıb. Bəs indi necə oldu ki, ötən 30-40 il ərzində su böhranı baş verdi? Son 30 ildə ölkə əhalisi iki dəfə, bəndlərin sayı isə 30 dəfədən çox artıb!”.

KONKRET.az “Azad İran”a istinadən xəbər verir ki, o habelə qeyd edib ki, inqilabdan öncə İranda 19 su bəndi var idi, indi isə 647 bənd var. Tikilməkdə olan bəndlərlə birlikdə isə bu bəndlərin sayı 1330-a yüksələcək.