Amerika hökuməti 2019-nCoV yeni növ koronavirusla mübarizə aparmaq üçün Çinə yardım təklif edib.

KONKRET.az Qafqazinfo-ya istinadən xəbər verir ki, bu barədə ABŞ Prezidenti Donald Tramp Tvitter səhifəsində yazıb. Ağ Ev rəhbəri qeyd edib ki, ABŞ ərazisində virusa yoluxma halı az müşahidə olunsa da, hökumət hər zaman “hazır vəziyyətdədir”.

“Biz Çin prezidenti Si Tszinpinə lazım olan istənilən dəstəyi təklif etdik. Bizim mütəxəssislərimiz inanılmazdır”, – deyə Tramp yazıb.

Qeyd edək ki, ötən il dekabrın 31-dən Çinin Uxan şəhərində yayılan virus ölkədə 81 nəfərin ölümünə səbəb olub.