ABŞ Rusiyanı Venesuela prezidenti Nikolas Maduroya verdiyi dəstəyə görə hədələyib.

KONKRET.az xəbər verir ki, bu barədə məlumatı RİA “Novosti” agentliyi ABŞ-ın Venesueladakı xüsusi nümayəndəsi Elliott Abramsa istinadən yayıb.

“Ruslar tezliklə anlayacaqlar ki, Maduroya dəstəkləri daha pulsuz olmayacaq”, – deyə Abrams bildirib.

ABŞ-ın süsusi elçisi Maduroya dəstək verən digər ölkələri də bu xəbərdarlığı bölüşməyə çağırıb. O vurğulayıb ki, ABŞ Venesuela üçün niyyətlərinin ciddiliyini nümayiş etdirmək niyyətindədir.

21 yanvar 2019-cu ildə Venesuelada and içdikdən sonra Maduroya qarşı kütləvi etirazlara başlanıb. Nəticədə, Venesuelanın müxalifət lideri Juan Quaydo qanunsuz olaraq özünü müvəqqəti dövlət başçısı elan edib. ABŞ-ın dəstək verdiyi bir sıra ölkələr Quaydonu dövlət başçısı kimi tanıyıblar. Öz növbəsində Rusiya, Çin, Türkiyə və bir sıra digər ölkələr Maduronu qanuni prezident kimi dəstəkləyiblər.

Babək Göyüş

KONKRET.az