Ağcabədidə toy mərasimində 34 nəfər zəhərlənib.

KONKRET.az-ın xəbərinə görə, hadisə iyulun 9-da rayonun Rəncbərlər kəndi ərazisində qeydə alınıb.

Belə ki, toy mərasimində iştirak edən 34 nəfər zəhərlənmə diaqnozu ilə Ağcabədi Rayon Mərkəzi Xəstəxanasına yerləşdiriliblər. Onlardan 33 nəfərə ambulator ilkin tibbi yardım göstərildikdən sonra evə buraxılıb. 2007-ci il təvəllüdlü R.Əliyevanın müalicəsi isə davam etdirilir.

Faktla bağlı araşdırma aparılır.