Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fonduna yeni mətbuat katibi təyin olunub.

KONKRET.az xəbər verir ki, qurumun icraçı direktoru Əhməd İsmayılovun imzaladığı əmrlə bu posta İlkin Nadirov gətirilib.

İ.Nadirov bundan əvvəl “Azad Azərbaycan” (ATV) telekanalının “Səhər” və “ATV-Qərargah” proqramlarında redaktor vəzifəsində çalışıb. Media sahəsində 10 ildən artıqdır fəaliyyət göstərir. Azərbaycan Yazıçılar Birliyinin üzvü, Prezident təqaüdçüsüdür.