Azərbaycanda həbsxanada məhbus qarnına biz soxdubackend

Azərbaycanda həbsxanada məhbus qarnına biz soxdu

Ədliyyə Nazirliyi Penitensiar Xidmətin Şəkidə yerləşən cəzaçəkmə müəssisəsində insident baş verib.

KONKRET.az xəbər verir ki, narkotik vasitələrin qanunsuz dövriyyəsinə görə tutulan və məhkəmənin hökmü ilə 5 il 6 ay müddətinə həbs cəzası alan məhbus, 1982-ci il təvəllüdlü Ehtiram Fərəcov kustar üsulla hazırlnmış bizi qarnına soxub. Hadisə ötən ilin dekabr ayında baş verib və həmin vaxt məhbusa tibbi yardım göstərilib.

E.Fərəcovun əməli ilə bağlı daha sonra Cinayət Məcəlləsinin 317-2.1-ci (Cəzaçəkmə müəssisələrində və ya istintaq təcridxanalarında saxlanılan şəxs tərəfindən qadağan olunmuş əşyaların hazırlanması, saxlanılması, gəzdirilməsi, daşınması və ya istifadəsi) maddəsi ilə iş açılıb.

O, ifadəsində bildirib ki, bu əməli ailə məsələsinə görə törədib: “2021-ci il dekabrın 4-də tarixdə məhkumlar üçün nəzərdə tutulan telefon otağından ailəmlə telefon əlaqəsi saxladım, ailəmdə problemlərin olduğunu bildiyimə görə əsəb gərginliyi keçirmişdim. Belə ki, ailəli olub boşanmışam, iki övladım var. Telefon danışığı zamanı böyük övladımın xəstə olduğunu bildim. Buna görə də, anamgildən uşağı yanıma görüşə gətirmələrini istədim. Onlar isə bunun mümkün olmayacağını bildirdilər. Mən də özümə xəsarət yetirsəm uşağı görüşə gətirəcəklərini fikirləşdim və həmin gün saat 15:30 radələrində əvvəlcədən müəssisə ərazisindən tapdığım bizi götürüb saxlanıldığım kamerada özümə xəsarət yetirdim. Kamerada olduğum zaman bizi qarın nahiyəmdən vurdum və bədənimə sancılmış vəziyyətdə qaldı. Daha sonra dəhlizə çıxaraq müəssisə əməkdaşlarına yaxınlaşıb etdiyim hərəkət barədə onlara məlumat verdim. Müəssisə əməkdaşları məni dərhal müəssisənin tibb sanitar hissəsinə apardılar. Həkim qarın nahiyəmə sancılmış vəziyyətdə olan bizi çıxardı”.

Şəki rayon Məhkəməsi məhbusun cəzaçəkmə müəssisəsində törətdiyi əməllə bağlı ona hökm oxuyub. E.Fərəcovun cəzasının çəkmədiyi 2 il 2 ay müddətin üstünə əlavə 2 ay gələrək ona qəti olaraq 2 il 4 ay müdətinə azadlıqdan məhrumetmə cəzası verilib.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*