Bakıda 19 yaşlı oğlan dəm qazından boğulub.

KONKRET.AZ APA-ya istinadla xəbər verir ki, hadisə paytaxtın Nərimanov rayonu,  Böyük Şor Daş Karxanası 42/1 ünvanında qeydə alınıb.

Həmin ünvanda kirayə qalan, Biləsuvar rayon sakini, 2001-ci il təvəllüdlü Faiq Quliyev mənzilin hamam otağında dəm qazından boğularaq ölüb.

Faktla bağlı Nərimanov rayon Prokurorluğunda Cinayət Məcəlləsinin 314.2-ci (səhlənkarlıq, zərərçəkmişin ölümünə səbəb olduqda) maddəsi ilə cinayət işi başlanıb.