“Avropa ölkələri müdafiə xərclərini artırmalı, müdafiə sənayesini stimullaşdırmalı və hərbi istehsalı gücləndirməlidir”.

KONKRET.az xəbər verir ki, bu barədə Avropa Komissiyasının rəhbəri Ursula fon der Leyen “Financial Times”-a müsahibəsində bildirib.

“Biz daha çox xərcləməliyik. Bizim çox parçalanmış müdafiə bazarımız var və bu dəyişməlidir”, deyə o vurğulayıb.

Nəşr qeyd edir ki, Aİ rəsmiləri böyük, etibarlı və səmərəli müdafiə sənayesi yaratmaq üçün Ukrayna münaqişəsi başlayandan bəri üzv dövlətlərin hərbi xərclərini artırmağa çalışırlar.

Avropanın hərbi-sənaye kompleksinin modernləşdirilməsi planı fevralda dərc edilməlidir.

Rəsmiyyə Şərifova,

KONKRET.az