Moskvada Azərbaycan və Rusiya Xarici İşlər nazirləri Ceyhun Bayramov və Sergey Lavrov arasında görüş başlayıb.

KONKRET.az  “Moskva-Baku” informasiya portalına istinadən xəbər verir ki, Rusiya XİN-in Qəbullar Evində keçirilən görüşdə XİN rəhbərləri ikitərəfli əməkdaşlığın vəziyyəti və perspektivlərini, Dağlıq Qarabağ nizamlanması da daxil olmaqla regional və beynəlxalq gündəliyin əsas aspektlərini müzakirə edəcəklər.

Təkbətək formatda başlayan görüş daha sonra nümayəndə heyətlərinin iştirakı ilə davam etdiriləcək.