“Çinin Uhan şəhərində olan azərbaycanlı tələbələrin ölkəyə qaytarılması məsələsi diqqətimizdədir”.

KONKRET.AZ bildirir ki, bunu APA-ya açıqlamasında Təhsil nazirinin müavini Firudin Qurbanov bildirib.

Nazir müavini deyib ki, bu məsələ dövlət səviyyəsində diqqətdə saxlanılır: “Çinin Uhan şəhərində olan tələbələrin ölkəyə gətirilməsinə çalışırıq. Hazırda hökumət bilavasitə bu məsələ ilə məşğuldur. Eyni zamanda Təhsil Nazirliyi də mövcud vəziyyət nəzərə alınmaqla bu məsələnin həllinə çalışır”.