Bu ilin son bir neçə ayı İspaniyanın turizm sənayesi üçün əlverişli deyil. Bir çox müxtəlif amillər turizm axınının azalmasının qeydə alınmasında öz rolunu oynayıb. Bunlardan əsası Rusiya və Britaniya turistlərinin dincəlmək üçün Türkiyəni seçmələridir.
KONKRET.az xarici mediaya istinadən xəbər verir ki, bu haqda məlumatı İspaniyanın “El Mundo” nəşri yayıb. Turoperatorlar 10 il bundan öncə Kosta Blanka regionunda turizmə görə cavabdeh olan şirkətlərə birbaşa müraciət ediblər ki, Rusiya bazarının payını artırsınlar. Düzdür, turizm böhranı 2008-ci ildə yaşansa da, bu, əsasən özünü 2011-ci ildən 2013-cü ilə qədər göstərib. Belə bir vəziyyətdə Valensiya Muxtar cəmiyyəti üçün əsas olan yerli bazar açıq-aydın tənəzzülə uğramışdı, Britaniya isə turoperatorların birbaşa otellərlə belə fəal şəkildə müzakirə etdikləri qiymətlərdən çox asılı idi.
O dövrdə ən mühüm turizm şirkətləri dünyanın ən qədim turoperatoru olan “Thomas Cook” və Almaniyanın iri turizm şirkəti “TUİ” hesab edilirdi. 2019-cu ildə “Thomas Cook” şirkəti müflis oldu. İndi Kosta Blanka otel sahibləri artıq böyük tur operatorlardan asılı deyil və yeni imkanlar axtarırlar. Turizm sektoru paket turlarından və son anda hər şeyi sifariş edənlərdən daha az asılı olub ki, bu da vəziyyəti ümumilikdə yaxşılaşdırıb. Bu il turizm sektorunun vəziyyəti 2011-ci ildən 2013-cü ilə qədər çətin dövrdə baş verənlərlə müqayisədə xeyli dərəcədə oxşardır. Franseska Kolomerin sözlərinə görə, tənəzzül imkanı bir neçə ildən sonra “illüziyalar”, yəni əlverişli beynəlxalq şəraitdən sonra yaranıb. Digər tərəfdən, tipik bazarlardan asılılıq ona gətirib çıxardı ki, bəzi turizm təşkilatları, məsələn, Kosta Blank Assosiasiyası Rusiyaya baxışlarını yönəltdi. Bu, onlara yeni imkanlar verə bilər. İndi rusiyalı turistlərin payı Valensiyada çox kiçikdir (təxminən 2%). Baxmayaraq ki, onlar çox xərcləyirlər və uzun müddətə gəlirlər.
Bundan əlavə, onlar hotellərdə və ya mənzillərdə qalmamaq üçün fərdi evləri kirayələməyə üstünlük verirlər. Bu cür məlumatlar Valensiyada turizm ilə məşğul olan təşkilatın (Turismo Comunidad Valenciana) mütəxəssisləri tərəfindən əldə edilmişdir. Lakin region Rusiya bazarı uğrunda on il əvvəl olduğu kimi, mübarizə aparmaqda çətinlik çəkir. Türkiyə canlanıb və turistlərin böyük hissəsini cəlb edib. Putin 2016-cı ildə Türkiyəyə səfər qadağasını aradan qaldırdıqdan sonra bu ölkəyə gedən rusiyalı turistlərin sayı 680 mindən altı milyona qədər artıb.
Eyni zamanda, Britaniya turoperatorları Türkiyəni yenidən öz kataloqlarına daxil ediblər və hətta ona üstünlük verirlər. Lirənin funtla bağlı kursu belədir ki, Britaniya turistlərinə Avrozonada olduğundan daha çox istirahət etmək sərfəlidir. Nəticədə, son üç ildə Türkiyə 14 milyon turist cəlb edə bilib ki, bu da əvvəlki dövrlərdən 2-3% çoxdur. İspaniyaya onunla rəqabət aparmaq çox çətin olacaq, çünki Türk otelləri yalnız ucuz deyil, həm də yüksək keyfiyyətli xidmətlərlə fərqlənir. Bununla yanaşı, bir çox ekspertlər Valensiyanın digər regionlarla müqayisədə müəyyən üstünlüklərə malik olduğunu vurğulayırlar, ilk növbədə, burada britaniyalı turistlər arasında kifayət qədər məşhur olan Benidorm kurortlarını tapmaq mümkündür. Bundan başqa, hətta böhranın ən pis anlarında belə, bu regionda istirahət etməyə öyrəşmiş turistlərin çoxu məhz buraya gəlmişdilər.
Problem nədir? Bu il Kanar və Balear adaları “Thomas Cook” şirkətinin iflasından çox əziyyət çəkmişdir, çünki orada yalnız bu turoperatorla işləyən otellər var idi. Bu maliyyə ilinin sonunda iki kurortun göstəriciləri mənfi idi və belə bir şəraitdə sahibkarlar digər bölgələrdən müştəriləri cəlb etmək üçün daha çox mənfəətdən imtina etdilər. Amma buna baxmayaraq, qiymət müharibəsinin başlanmasına baxmayaraq, turizm sektorunun göstəriciləri nikbinlik yaradır.
KONKRET.az