Elçibəyin istefasını tələb etməmişəm – Surət Hüseynovbackend

Elçibəyin istefasını tələb etməmişəm – Surət Hüseynov

Prezident Elçibəyin Kələkiyə getməsi mənim üçün gözlənilməz oldu. Elçibəyin istefasını da tələb etməmişəm.

KONKRET.az xəbər verir ki, bu sözləri 4 iyun 1993-cü il Gəncə qiyamının rəhbəri Sürət Hüseynov BBC radiosuna müsahibəsində deyib.

“Belə bir məsələ (Prezidentin istefası) də qoymamışdım. Odur ki, prezidentin Kələkiyə getməsi mənim üçün gözlənilməz oldu. Nə üçün getdi? Bilmirəm. Ola bilsin danışıb razılaşıblar. Mənim Elçibəyə qarşı heç bir fikirm olmayıb və onun vəzifədən getməsini tələb etməmişəm”, – deyə Surət Hüseynov yaxın tarixi gözgörəsi təhrif edib.

S.Hüseynov Gəncədə baş verən hadisələrdə Milli Məclisin sabiq sədri İsa Qəmbəri və Baş nazir Pənah Hüseyni ittiham edib:

“4 iyun hadisələrinin planını quranlar İsa Qəmbər və Pənah Hüseyn olub. Mən hakimiyyətə müqavimət göstərməmişəm. Evdə, yasda olmuşam. Dəfələrlə müraciət etmişəm ki, gəlib hərbi hissəni təhvil alsınlar. Amma bunu etmədilər. Hərbi hissəni buraxmaq üçün 12 gün əvvəl əmr verilir. Bu vaxt ərzində o özü-özünü buraxmırsa, o zaman qanun ona güc tətbiq etməyə imkan verir. Hərbi hissəyə hucum etdikdən, 3 nəfər həlak olduqdan sonra bir pokovnikə əmr verib göndərirlər ki, get ver Surətə… Mən Bakıya Elçibəyi yıxmaq üçün getməmişdim”.

S.Hüseynov iyun hadisələrinə görə özünü günahkar bilmədiyini deyib və buna görə üzr istəmək niyyətində olmadığını vurğulayıb: “Mən niyə üzr istəməliyəm? Bu işlərdə heç bir günahım yoxdur. Etmədiyim işə görə niyə üzr istəməliyəm?”

S.Hüseynov haqqında “Rusiyanın adamı” olması barədə deyilənləri də rədd edib. Buna baxmayaraq, Baş nazir olduğu dönəmdə Qarabağ münaqişəsində Moskvanın neytrallığına nail olmaq üçün bəzi məsələlərin nəzər alınmasının tərəfdarı olub. Bu sırada Azərbaycanın MDB-yə daxil olmasını dəstəkləyib.

Sabiq Baş nazir siyasətlə məşğul olmaq niyyətində olmadığını bildirib.

Xatırladaq ki, Sürət Hüseynov 1993-cü il 4 iyunda Gəncədə qiyam qaldırıb. Qiyama səbəb isə S.Hüseynovun tabeliyində olan hərbi hissənin ləğvi haqda əmri icra etməməsi idi. S.Hüseynov bunun ardınca Bakıya doğru hərbi yürüşə başlayıb və rayonlarda bir-birinin ardınca yerli hakimiyyətləri silah gücünə ələ keçirib. Onun tələblərindən biri də Elçibəy başda olmaqla, hakimiyyət mənsublarının istefası idi./axar.az

  • Vidadi
    İyun 6, 2021 - 20:49

    İnsan nə qədər yalançı riyakar olar ki uzaq olmayan həqiqəti danasan.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*