“Bakıdan Naxçıvana qədər uzanan dəhliz və Xəzər tranzit yollarının vahid sistemə inteqrasiyası türk dövlətləri arasında ticarət axınlarını sürətləndirəcək”.

KONKRET.az “TRT Haber”ə istinadən xəbər verir ki, bunu Türkiyə Prezidenti Rəcəb Tayyib Ərdoğan deyib.

Türkiyə lideri türkdilli dövlətlər arasında ticarət əlaqələrindən danışarkən bildirib: “Nəqliyyat və logistika strategiyaları da bu startegiyanın vacib komponentləridir. Dil, tarix, ədəbiyyat və incəsənət sahələrində çoxşaxəli tədqiqatlar mədəni əlaqələrin canlı qalmasına töhfə verəcək. Gənclər proqramları, mübadilə mexanizmləri və birgə akademik şəbəkələrin yaradılması gələcək nəsillərin bir-birini daha yaxşı tanımasına və münasibətlərin davamlılığını təmin etməsinə imkan verəcək”.