Türkiyədə eyni gündə vəfat edən kişilərin meyitlərini qarışıq salıblar.

KONKRET.az Oxu.az-a istinadən xəbər verir ki, İstanbulda eyni xəstəxanada müalicə olunan 81 yaşlı Ali Çalışkan ilə Mehmet Nuradın eyni gündə vəfat etməsi meyitlərin qarışmasına səbəb olub.

Belə ki, cənazələr ailələrinə təhvil verilib və A.Çalışkanın meyitini dəfn etmək üçün Ordu vilayətinə aparıblar. Ailə dəfn zamanı meyitin Ali Çalışkana aid olmadığını öyrənib.

Bundan sonra aparılan araşdırma zamanı həmin cənazənin Mehmet Nurada aid olduğu, Ali Çalışkanın meyitinin isə Ədirnəyə göndərildiyi aşkar olunub. Daha sonra hər iki meyit İstanbula gətirilərək ailələrinə təhvil verilib.