General Kremlin qoşunlarını Ukraynadan çıxarmalı olduğu şərtləri açıqlayıb.

KONKRET.az xəbər verir ki, bu barədə ordu generalı, Ukrayna Xarici Kəşfiyyat Xidmətinin keçmiş rəhbəri Mykola Malomuj Ukrayna mediasına müsahibəsində deyib.

Hərbi ekspert hesab edir ki, ruslar şəraitin təzyiqi altında Ukrayna ərazisini tərk edə bilər.

“Kreml qoşunlarını Ukraynadan çıxarmağa məcbur ola bilər. Əgər ərazimizdə əhəmiyyətli əks-hücum əməliyyatları aparılmasa, Rusiya hakimiyyət orqanları qoşunlarını Ukraynadan çıxarmayacaq. Rusiya Federasiyası hətta Qərbdən Kiyevə ən təsirli siyasi dəstək olsa belə, geri çəkilməyəcək.

Çox vacibdir ki, indi Ukrayna dövlətinin tərəfdaşları uğurlu əks-hücum hərəkətləri ilə yanaşı, Rusiya Federasiyasının maraqlarından istifadə edərək, siyasi müstəvidə fəal işləyirlər,

Kreml Qərbin şərtləri ilə Ukraynadan çıxıb Donetskdən, Luqanskdan, gələcəkdə isə Krımdan çəkilməli olacaq. Amma bu, Silahlı Qüvvələrimizin hərbi təzyiqi və  tərəfdaşların, üçüncü ölkələrin siyasi təzyiqləri altında baş verə bilər. Məsələn, Çin, Hindistan, Türkiyə…”, – deyə ekspert bildirib.

Malomuj əlavə edib ki, strateji hərbi uğurlar və dövlətlərin Rusiya rəhbərliyinə siyasi təzyiqlərinin kombinasiyası mümkündür.

“Sonra bizim qoşunların təzyiqi ilə işğal olunmuş ərazilərin əksəriyyəti azad edilir, daha sonra isə ruslar şəraitin təzyiqi altında həm daxili hərbi, həm də xarici təzyiq altında tamamilə geri çəkilir”, – deyə general hesab edir.

Xuraman Etibarlı,

KONKRET.az