Separatçı rejimin qondarma Xarici İşlər Nazirliyi Gürcüstan və Ukraynanı insan hüquq və azadlıqlarına hörmətə əsaslanan dəyərlər sisteminə riayət etməyə çağırır
“DQR” XİN Gürcüstan və Ukraynanın xarici işlər orqanlarının ölkədəki yerli seçkilərə reaksiyasını şərh etdi.
Nazirliyin İctimaiyyətlə Əlaqələr Departamentinin bəyanatında qeyd olunur ki, sentyabrın 8-də ölkədə keçirilən yerli hakimiyyət orqanlarına seçkilər respublikada demokratik təsisatların ardıcıl inkişafı və möhkəmlənməsi prosesində hakimiyyətin və cəmiyyətin növbəti uğuru idi.
Şərhdə qeyd olunur ki, Azərbaycanın ötən seçkilərə əsəbi reaksiya verməsi əvvəlcədən gözlənilən idi və “ölkə” vətəndaşlarının təməl hüquqlarının təkzib edilməməsinin, eyni zamanda ümumilikdə demokratik dəyərlərin rədd edilməsinin növbəti təzahürü oldu.
“Özlərini Azərbaycanın antidemokratik rejimi ilə əlaqələndirən Gürcüstan və Ukrayna Xarici İşlər Nazirliklərinin açıqlamaları çaşqınlıq yaradırdı. Bu cür açıqlamalar, nəinki, Gürcüstanın və Ukraynanın demokratik dəyərlərə sadiq qalmasına zidd olmaqla yanaşı, həm də “DQR”-in daxili işlərinə qarışmaq, xalqların bərabər hüquqları və dövlətlərin suveren bərabərliyi prinsiplərini pozmaqdadır”, – deyə şərhdə bildirilir.
Daha sonra qeyd edilir ki, Gürcüstan və Ukrayna Xarici İşlər Nazirliklərinin bəyanatlarında Azərbaycan-Qarabağ münaqişəsinin mahiyyətini ərazi mübahisəsinə endirmək və qondarma beynəlxalq səviyyədə tanınan sərhədləri dəstəkləmək məqsədi ilə təhrif edən müddəalar da mövcuddur.
“Bununla əlaqədar olaraq, Gürcüstan və Ukrayna tərəflərinə xatırlatmaq istərdik ki, Rusiya-Azərbaycan hissəsindən başqa Azərbaycanın beynəlxalq səviyyədə tanınmış sərhədləri yoxdur. Üstəlik, Gürcüstan-Azərbaycan sərhədinin əhəmiyyətli bir hissəsi hələ dəqiqləşməyib. Azərbaycanın sərhədləri yalnız Gürcüstanla deyil, eləcə də digər qonşu ölkələrlə də müəyyən edilməyib. Onlardan bəziləri ilə heç sərhədlərin delimitasiyası və demarkasiyası prosedurları belə başlanmayıb”, – deyə şərhdə bildirilir.
“Ölkənin” Xarici İşlər Nazirliyi Gürcüstan və Ukrayna hakimiyyətini demokratik prinsiplərə və insan hüquq və azadlıqlarına hörmətə əsaslanan dəyər sisteminə sadiq qalmağa və “ölkə” vətəndaşlarının fundamental beynəlxalq sənədlərdə təsdiqlənmiş hüquqi əsaslardan istifadə etmələri ilə bağlı bəyanatlardan çəkinməyə çağırır.
Hazırladı: “Konkret” Beynəlxalq Araşdırmalar Qrupu