Şərqi Finlandiya Universitetinin alimləri müəyyən ediblər ki, işə piyada gedən insanlarda infarkt və digər ürək və damar xəstəlikləri riski azalır.

KONKRET.az xəbər verir ki, araşdırmanın nəticələri “European Journal of Public Health” (EJPH) jurnalında dərc olunub.

Alimlər altı mindən çox könüllünün sağlamlığı və hərəkət vərdişləri haqqında məlumat toplayıblar. C-reaktiv protein (CRP) səviyyələrini ölçmək üçün qan nümunələri də götürülüb. Bu, iltihab, nekroz və müxtəlif yaralanmalar nəticəsində toxuma zədələnməsinin ən informativ göstəricisidir. Sağlam bir insanın qanında bu protein yoxdur və ya minimal miqdarda aşkar edilir.

Məlum olub ki, gündə təxminən 15 dəqiqə gəzinti keçirən subyektlərin CRP səviyyəsi avtomobil və ya ictimai nəqliyyatla işə gedənlərlə müqayisədə 7% aşağıdır. Gündəlik 45 dəqiqə piyada gəzənlərdə (işə 20 dəqiqədən çox, evə isə eyni vaxtda qayıdan insalarda) C-reaktiv protein konsentrasiyaları təxminən 18% aşağı idi.

Alimlər qeyd ediblər ki, bu göstəricinin azaldılması ürək-damar sisteminin sağlamlığı ilə sıx bağlıdır – işə gündəlik piyada getmək infarkt, insult, hipertoniya və digər xəstəliklər riskini azalda bilər.

Burhan,

KONKRET.az