İsrail Prezidenti İshaq Hersoq ABŞ Prezidenti Co Baydeni fəxri medalla təltif edib.

KONKRET.az xəbər verir ki, təltifetmə mərasimi İ.Hersoqun Qüdsdəki iqamətgahında baş tutub.

“Bölgəmizə, o cümlədən İsraildən Səudiyyə Ərəbistanına sabahkı tarixi səfərinizdə sizə böyük uğurlar arzulayırıq. Qoy bu, regionun bütün xalqlarına sülh və ümid mesajı gətirsin”, – Hersoq mərasimdə çıxışında bildirib.

Buna cavab olaraq Bayden ABŞ-ın İsrailin təhlükəsizliyinə sadiqliyini bir daha təkrarlayıb.

Qeyd edək ki, Co Bayden Yaxın Şərq turnesindədir. O, 13-16 iyul tarixlərində İsraillə yanaşı, İordan çayının qərb sahili və Səudiyyə Ərəbistanında da görüşlər keçirəcək.