Kanada əsgərlərinə saçlarını boyamağa, manikür etdirməyə və ətək geyinməyə icazə verilib.

KONKRET.az xəbər verir ki, bu barədə Kanada Müdafiə Nazirliyinin saytı məlumat yayıb.

Kanada Silahlı Qüvvələri nizamnaməyə hərbçilərin xarici görünüşü ilə bağlı dəyişikliklər edib. Nizamnamədə deyilir ki, hərbçilərə qadın paltarları geyinməyə, uzun saç, dırnaq və üz döymələri ilə gəzməyə icazə veriləcək.

Yeni nizamnamə sentyabr ayından qüvvəyə minəcək. Bu dəyişiklik bütün hərbi personala – ən yüksək komandanlığa qədər şamil ediləcək.

Bundan sonra həm çağırışçılar, həm də veteranlar istənilən uzunluqda saç taxa, eləcə də onları istənilən rəngə boyaya biləcəklər. Üzünü qırxmamağa, hər hansı formada saqqal, bığ və bığ taxmağa icazə verilir. Əsas odur ki, səliqəli görünmələri üçün onlara düzgün qulluq etməkdir.

Hərbçilər, o cümlədən üzdə də döymələr etdirə biləcəklər, lakin onlar irqçilik, cinsiyyətçilik, homofobiya, dini və digər dözümsüzlüyü təbliğ etməməlidirlər. Bundan əlavə, uzun dırnaqlar, üzüklər və qulaqlara pirsinqlər taxmağa icazə verilir.

Hərbi qulluqçulara əks cinsdən olan geyim əşyaları, o cümlədən kişilərə ətək geyinməyə icazə veriləcək. Bundan əlavə, sağ əlləri ilə sərbəst salam verə bilmək üçün kürək çantalarını bir tərəfə, yəni sol çiyninə taxa biləcəklər.

Bununla belə, sənəddə xüsusi şəraitdə komandirlərin tabeliyində olanlardan saqqallarını qırxmağı, pirsinqləri çıxartmağı və ya saçlarını rəngləməyi tələb edə biləcəyi barədə bənd var.

Xuraman Etibarlı,

KONKRET.az