“2018-ci ilin yazında Ermənistan beynəlxalq medianın manşetlərində göründü. Vaxt azlığına görə ölkəmdə hakimiyyət dəyişikliyinin yalnız dinc yolla baş verdiyini vurğulayacağam”. KONKRET.az xəbər verir ki, bu barədə noyabrın 20-də Xorvatiyanın paytaxtı Zaqrebdə Avropa Xalq Partiyasının qurultayında Ermənistanın sabiq prezidenti, müxalif Respublikaçılar Partiyasının lideri Serj Sarkisyan açıqlama verib.

Sarkisyan bildirib ki,dinc yolla ona görə hakimiyyətdən gedib ki, insan tələfatına yol verilməsin və dövləti təhlükəli zərbələrdən qousun. “İnqilab adı ilə hakimiyyətə gələnlər əslində son bir il yarım ərzində heç bir inqilabi dəyişiklik və ya ölkənin xarici və ya daxili gündəmində inqilabi bir irəliləyiş yaratmadı”, – deyən Sarkisyan ölkədə demokratiyaya təhlükə yaradan təhlükəli proseslərin getdiyini söyləyib. “Konstitusiyanın əsasları sarsılır. Ayrılma və güc balansı prinsipi tətbiq edilmir. Çoxsaylı faktlar məhkəmə hakimiyyətinin müstəqilliyini açıq şəkildə pozub. Siyasi təqiblər davam edir. Müxalifət mediası və fəallarına qarşı aqressiv hərəkətlər adi hala çevrilib, dözümsüzlük və nifrət dolu sözlər narahat dərəcələrə çatıb.

Keçmiş prezident günahını etiraf edib: “Keçən il xalqımı daha da yaxşı bir dövlət qurmağa çalışması üçün tərk etdim. Ancaq bu gün məni populistcəsinə hakimiyyəti itirməkdə ittiham edən insanların səsləri artıq getdikcə daha aydın şəkildə eşidilir. İndi bu narahatlıqları dilə gətirmək, hakimiyyət dəyişikliyi zamanı minlərlə insanın inam və gözləntilərini müdafiə etmək üçün buradayam.

Bəli, Ermənistanda baş verənlər də bizim günahımız idi. Ancaq sizi əmin edirəm ki, təhlükəsizlik və sülh məsələləri həmişə bizim üçün prioritet və həyati əhəmiyyət daşıyırdı və bu gün də belədir”, – deyə Sarkisyan bildirib.