Braziliyada çimərlik tətili yeniyetmə qız üçün kabusa çevrilib. Belə ki, qız okeanda çimərkən köpək balığının hücumuna məruz qalıb. 

KONKRET.az “REN TV“yə istinadən xəbər verir ki, hadisə martın 6-da Braziliyanın Pernambuko ştatındakı “Piedad Beach” çimərliyində baş verib.

Çoxlu qan itirən qız ətrafdakıların köməyi ilə sudan çıxarılıb.

Yaralı təcili yardım maşını ilə xəstəxanaya aparılıb.

Qeyd edək ki, hökumət tez-tez köpək balıqlarının hücumu səbəbindən ərazidə vətəndaşlara çimməyi qadağan edib.

Məlumata görə, hadisədən bir gün əvvəl, martın 5-də həmin çimərlikdə köpək balığı 14 yaşlı qızın ayağını dişləyib.

İqbal Rzayev,

KONKRET.az