Çində yaranan və 100-dən çox insanın ölümünə səbəb olan koronavirusunun yarasa şorbası ilə yoluxduğuna dair iddia geniş müzakirə edilib.
KONKRET.AZ Türkiyə mediasına istinadən xəbər verir ki, həqiqət isə çox fərqli olub.
Çinin Uxan şəhərində meydana gələn koronavirus bu günə qədər 100-dən çox insanın ölümünə səbəb olub. Xəstəlik 4 min 500 adamda təsbit edilib. Bu müddət ərzində yayılan tək şey virus deyildi. Sui-qəsd nəzəriyyələri və dezinformasiyalar sosial mediada yayılıb.
Türkiyədə də “WhatsApp” və “Facebook” başda olmaq üzrə çox sayda ictimai media platformasında Çində gerçək ölü sayının 40 min olduğu, virusun Uxanda bir ilandan yoluxduğu və ilanın yaşadığı suda raket qalıqları olduğu, virusun Çin malı məhsulları ilə dünyaya yayıldığı kimi çox sayda iddia irəli sürülüb.
BBC Monitorinq Xidməti bu məlumatın harada və necə yayıldığını araşdırıb.
İlk andan insanlar koronavirusun mənşəyi haqqında spekulyasiyalara başladılar. Uxandakı çinli yarasaların göründüyü iddia edilən videolar tez yayıldı.
Bu kliplərdən birində Çinli bir qadının gülümsəyərək bir yarasa yediyi və toyuq ətinə bənzədiyi görünür. Video sosial mediada böyük bir reaksiya doğurdu, bəziləri virusun Çin yeməkləri ilə yayıldığını müdafiə etdilər. Əslində videonun yazıldığı Uxan, hətta Çin deyildi.
Video 2016-cı ildə populyar bloqer və səyahət proqramçısı Vang Mengyun tərəfindən Qərbi Sakit Okeanın Palau adasında çəkilib.
Video yayıldıqdan sonra yenidən sosial mediada paylaşılmağa başlanıb, ancaq bu dəfə səhv yayıldığı deyilib.
Sonra Mengyun üzr istəyərək “Oradakı insanların gündəlik həyatını göstərmək istədim” deyib, yarasaların virusu daşıdığını bilmədiyini söyləyərək videonu silib.
Koronavirusun yayılmasına Uxandakı balıq bazarında qanunsuz satılan vəhşi heyvanların səbəb olduğu düşünülür.
Yarasalar yeni bir araşdırmada virusun mümkün mənbələrindən biri kimi göstərilsə də, yarasa şorbası Çində adi bir yemək deyil. Virusun mənbəyini tapmaq üçün işlər davam etdirilir.
Hubei əyalətində baş verənləri ifşa edən həkim və ya tibb bacısı tərəfindən çəkildiyi iddia edilən müxtəlif videolar sosial media platformalarında milyonlarla dəfə izlənilib və xəbər saytları da bunlara yer verib.
Bu videolardan ən populyarını koreyalı “YouTube” istifadəçisi Koreya və ingilis alt yazıları ilə yükləyib.
Artıq silinmiş bu videonun ingilis dilindəki alt yazılarında videonu çəkən qadın Uxandakı bir xəstəxanada tibb bacısı kimi təsvir edilib.
Digər tərəfdən, videonu hazırlayan qadın tibb bacısı və ya həkim olduğuna dair heç bir ifadədən istifadə etmir. Beləliklə, görünür işin bu hissəsi video yükləyənlərin tərzidir. Adı açıqlanmayan qadın, naməlum yerdə qoruyucu geyimdə görünür. Ancaq bu paltarlar Hubei əyalətində geyilən qoruyucu paltarlara uyğun gəlmir.
Komendant saatı səbəbindən bölgədən gələn videoları təsdiqləmək çətindir. Ancaq videodakı qadın virus haqqında bir sıra əsassız sözlər deyir. Bu, tibb bacısı və ya həkim olmaq şansını xeyli azaldır. Şəxs Çində 90 min insana yoluxduğunu söyləsə də, yanvarın 28-də bu say yalnız 4 min 500 olub.
KONKRET.AZ