Mingəçevirdə Kür çayında baş verən qayıq qəzasında Zəfər yürüşünün iştirakçısı olan qazi də ağır xəsarət alıb.
KONKRET.az-ın bölgə müxbirinin verdiyi məlumata görə, hadisə zamanı ikisi ağır olmaqla 3 nəfər müxtəlif bədən xəsarətləri alıb.
Onlardan biri 1998-ci il təvəllüdlü Bayram Abbasov Vətən Müharibəsi qazisidir. Ona hər iki baldır sümüyüyün aşağı ətrafının sınığı diaqnozu qoyulub.
Mingəçevir şəhər Mərkəzi Xəstəxanasının növbətçi həkim cərrahı Qnyaz Yusiflinin KONKRET.az-a verdiyi açıqlamaya görə, xəsarət alan digər iki yaralının vəziyyəti daha ağır qiymətləndirilir.
2007-ci il təvəllüdlü Heydər Həsənzadə və 1995-ci il təvəllüdlü Səbinə Ramazanovaya ilkin zəruri tibbi yardım göstərikdikdən sonra hər iki yaralının ixtisaslı paytaxt klinikalarından birinə köçürülməsinə qərar verilib.
Faktla bağlı araşdırma aparılır.
Ehtiram Muradov,
KONKRET.az