DİN-in “102” Zəng Mərkəzi Xidmətinə Oğuz rayonu Bucaq kəndi ərazisində 2 ədəd şübhəli bağlamanın olması barədə məlumat daxil olub.

KONKRET.az DİN-ə istinadən xəbər verir ki, həmin ərazidəki bağlamalarda 4 ədəd qumbara və partladıcı olduğu müəyyən edilib. Ərazi dərhal mühafizəyə alınıb və ANAMA-nın əməkdaşları dəvət edilib.

Agentliyin mütəxəssisləri əraziyə baxış keçirib və oradan 4 ədəd F-1 əl qumbarası və 1 ədəd qumbara partladıcısı aşkarlanıb. Zərərsizləşdirilməsi üçün Agentliyin mərkəzi məhvetmə ərazisinə daşınıb.