Türkiyənin xarici işlər naziri Hakan Fidan Pakistan, Əfqanıstan, Qətər və Səudiyyə Ərəbistanından olan həmkarları ilə telefon danışığı aparıb.

KONKRET.az axaraz-a istinadən xəbər verir ki, bu barədə “TRT Haber” məlumat yayıb.

Məlumata görə, Hakan Fidan Pakistanın xarici işlər naziri Məhəmməd İshaq Dar, Əfqanıstanın müvəqqəti hökumətinin xarici işlər naziri vəzifəsini icra edən Əmirxan Muttaki, Qətərin Baş naziri və xarici işlər naziri Şeyx Məhəmməd bin Əbdürrəhman əs-Sani, həmçinin Səudiyyə Ərəbistanının xarici işlər naziri Faysal bin Fərhan əs-Səudla danışıb.

Telefon danışıqları zamanı Pakistan və Əfqanıstan arasında münasibətlərdə son vəziyyət müzakirə olunub.