“Məni ömürlük həbs gözləyir”.

KONKRET.az xəbər verir ki, bu barədə Moskvanın Basmannı Məhkəməsində videobağlantı vasitəsilə danışan siyasətçi Aleksey Navalnı özü bildirib. O deyib ki, ekstremizmlə bağlı cinayət işinin bir hissəsi olaraq ona qarşı yeni ittiham irəli sürülüb. Ona hərbi məhkəmə tərəfindən mühakimə olunacaq ayrıca “terror işi” açılıb.

“Məni bu işdə 30 il, yəqin ki, növbəti işdə ömürlük həbs gözləyir”, – Navalnı deyib.

O da məlumdur ki, siyasətçi növbəti dəfə cərimə kamerasına salınıb. Aprelin 25-də 15 gündən sonra ŞİZO-dan çıxarılıb, yenidən eyni müddətə təcridxanaya göndərilib.

“Mənim üçün həm SSRİ-də, həm də Rusiyada müqəddəs şəkildə qorunan həbsxanaların dəmir qaydası ləğv edildi.

ŞİZO-da on beş gündən sonra məhkum başqa bir cəza verməzdən əvvəl ən azı bir gün zonaya qaldırılmalıdır. Sistemi pozdular, həm də yanlış istiqamətdə”, – deyə siyasətçi kədərlə əlavə edib.

Qeyd edək ki, 2022-ci ilin avqustundan Aleksey Navalnı 14-cü dəfə cərimə kamerasına salınıb. Əvvəllər nizamnaməyə uyğun olaraq düyməni bağlamaması, özünü düzgün təqdim etməməsi və ya “ranzada əyləşməsi” səbəbindən koloniya rəhbərliyi siyasətçini cərimə izolyatoruna göndərib.

Xuraman Etibarlı,

KONKRET.az