Bir qrup Qarabağ separatçısı yeni təxribatlara əl atır.
KONKRET.az xəbər verir ki, Qarabağdakı qanunsuz erməni silahlı birləşmələrindən bir qrup separatçı Ermənistanın bütün sakinlərini bu gün saat 18:30-da İrəvandakı Azadlıq meydanında mitinqə çağırıb. Mitinqin keçirilməsinin əsas məqsədi “Qarabağın Azərbaycana satılmasının” qarşısını almaqdır.
Separatçılar İrəvan sakinlərini şantaj yolu ilə mitinqlərə çıxarmağa çalışırlar. Onlar “Arsax yoxdursa, Ermənistan da yoxdur” şüarı ilə erməniləri təxribatlara çəkirlər.
Separatçılar həm Ermənistan ictimaiyyətini, həm də Nikol Paşinyanı şantaj etməklə öz bəd niyyətlərini həyata keçirmək istəyirlər.
Xuraman Etibarlı,
KONKRET.az