Qaxda 63 yaşlı kişini ilan sancıb.

KONKRET.az-ın məlumatına görə, hadisə rayonun Qum kəndində baş verib.

Kənd sakini 1959-cu il təvəllüdlü Paşayev Vəli Soltan oğlu fındıq bağında iş görən zaman ilan onun sol ayağından sancıb.

O, yaxınlarının köməkliyi ilə Qax rayon Mərkəzi Xəstəxanasına aparılıb. Xəstəxanada ona lazımi tibbi yardım göstərilib.

Hazırda onun müalicəsi xəstəxananın reanimasiya şöbəsində davam etdirilir.