Qazaxıstanın Cambul vilayətinin Polis departamentinin rəisi, general Janat Süleymanov intihar edib.
KONKRET.az xarici mediaya istinadən xəbər verir ki, onun meyiti Taraz şəhərində aşkar edilib. Hadisə ilə bağlı cinayət işi açılıb və araşdırma aparılır.
Məlumata görə, Tarazdakı iğtişaşlardan sonra Janat Süleymanova qarşı cinayət işi açılmışdı.
Qeyd edək ki, o 22 iyul 1962-ci ildə Karaqanda vilayətinin Nurinski rayonunda anadan olub. Daxili işlər orqanlarında xidmətə 1980-ci ildən başlayıb. 2020-ci ilin fevral ayından bugünədək Cambul vilayətinin Polis departamentinin rəisi işləyib.
Müşviq Tofiqoğlu
KONKRET.az