Türkiyənin oktyabrın 9-da Suriyanın şimal-şərqində başlatdığı “Barış Bulağı əməliyyatı” 4-cü günündədir.
KONKRET.AZ xəbər verir ki, əməliyyatın bütün gedişatı İngiltərə mediasında geniş yer alıb.
“Financial Times” qəzetində dərc edilən xəbərə görə, İŞİD-çilərin saxlanıldığı həbsxanalardan və təhlükəsizliyinin təmin edildiyi düşərgələrdən qaçdığı xəbərləri yayılmağa başlanıb. Hətta İŞİD-çi məhbusların dünən axşam qaçdığı iddia edilib.
Dərc edilən xəbərdə dünən Qamışlıdakı Navkur həbsxanasından 5 İŞİD-çinin qaçdığı bildirilsə də, amma məlumatın müstəqil mənbələr tərəfindən təsdiqinin tapmaması diqqət çəkib. Bundan başqa, Qamışlıda bombalı maşınla edilən hücumun İŞİD tərəfindən gerçəkləşdirildiyi qeyd edilib.
“Times” bölgənin cənub-şərqində el-Hol düşərgəsində 70 minə qədər İŞİD-çinin yaşadığını bildirib. Artıq həmin ərazilərdə etiraz və qiyamların başlandığı, dünən axşamdan qaçmağa cəhd edən İŞİD-çilərin qarşısının alındığı deyilir. İngiltərə mediası məlumatların mənbəyini PYD-nin Suriya Demokratik Qüvvələrinə istinadla dərc edib.
Hazırladı: Firuzə ALİMOVA