Roma Papası Fransisk 2021-ci ilin martında İraqa səfər edəcək.

KONKRET.az xarici KİV-ə istinadən xəbər verir ki, bunu Müqəddəs Taxt-Tacın (Vatikan) Mətbuat xidmətinin rəhbəri Matteo Bruni deyib.

“İraq Respublikası və yerli katolik kilsəsinin dəvətini qəbul edərək Papa Fransisk 2021-ci il martın 5-dən martın 8-dək bu ölkəyə səfər edəcək”, – o bildirib.

M.Bruninin sözlərinə görə, Papanın səfərinin proqramı bir müddət sonra açıqlanacaq. Bununla belə, onun paytaxt Bağdad, həmçinin Ərbil, Mosul və Qaraqoş şəhərlərində xristian dini ilə bağlı mərkəzləri ziyarət edəcəyi gözlənilir.