Rus texnikalarının üzərindəki “Z” və “V” hərflərinin mənası barədə açıqlama verilib.

KONKRET.az xəbər verir ki, bu barədə Rusiya Müdafiə Nazirliyi instaqramda paylaşım edib. Hərflərin mənasını təsviri formada izah verən qurum “Z”nin “Za pobedu” (“Qələbə uğrunda”), “V”nin isə “Sila v pravde” (“Güc həqiqətdədir”) və “Zadaça budet vıpolnena” (“Tapşırıq yerinə yetiriləcək”) mənasına gəldiyini bildirib.

Qeyd edək ki, Ukraynanın işğalında istifadə olunan Rusiya Silahlı Qüvvələrinin texnikalarının üzərində “Z” və “V” hərfləri mövcuddur. Rusiya Müdafiə Nazirliyinin bu paylaşımınadək bu işarələr müxtəlif konspiroloji nəzəriyyələrə gətirib çıxarmışdı.