“Rusiyadakı Azərbaycan lobbisinin arxasında Ərdoğanın siması dayanır”.

KONKRET.az xəbər verir ki, bu açıqlama ilə Yaxın Şərq İnstitutunun prezidenti, şərqşünas-alim Yevgeni Satanovski çıxış edib.

O bildirib ki,  Rusiyadakı Azərbaycan diasporunun lobbiçilik fəaliyyətinə nəzər saldıqda, onların hər birinin arxasında Ərdoğanın simasını görmək mümkündür:

“Azərbaycanın İnternet şəbəkəsindən tutmuş, ölkənin bugünkü rəsmi və qeyri-rəsmi siyasətində Türk ritorikası hiss olunur. Biz artıq  münasibətləri Türkiyə ilə aydınlaşdırırıq. Azərbaycan artıq qardaş respublika deyil və bu bir faktdır. Biz bu faktla yaşamalı olacağıq” – deyə Satanovski vurğulayıb.

O əlavə edib ki, Azərbaycanda Türkiyənin mövqelərinin gücləndirilməsi prosesi daha fəaldır. Bu, özünü Şuşa müqaviləsində, Bakı Bəyannaməsində və Bakı ilə Ankaranın postsovet məkanındakı fəaliyyətində göstərir.

Müşviq Tofiqoğlu

KONKRET.az