Milyarder Yuri Milner ailəsi ilə birlikdə Rusiya vətəndaşlığından imtina edib.

KONKRET.az “Kommersant”a istinadən xəbər verir ki, iş adamı bu barədə tviterdə yazıb:

“Bu yay biz rəsmi olaraq Rusiya vətəndaşlığından imtina prosesini başa çatdırdıq”

Onun sözlərinə görə, o və qohumları 2014-cü ildə ölkəni tərk ediblər. Sahibkar 1999-cu ildə İsrail vətəndaşlığını alıb.

Milner Rusiyanın Forbes siyahısında 15-ci yerdədir. Onun sərvəti 7,3 milyard dollar qiymətləndirilir. O, “DST” Global İnvestisiya Fondunun yaradıcısıdır.

Qeyd edək ki, Yuri Milner son aylarda Rusiya vətəndaşlığından imtina edən üçüncü milyarderdir.

İqbal Rzayev,

KONKRET.az