Tacikistan Prezidenti Emoməli Rəhmon respublikanın Daxili İşlər Nazirliyinin strukturunda bir sıra kadr dəyişiklikləri edib.

KONKRET.az-ın Mərkəzi Asiya ölkələri üzrə bürosu xəbər verir ki, Şah İskəndər kimi tanınan İsfara polisinin başçısı İskandarzoda Məhəmmədşah Əmirşox Buston şəhərinin (keçmiş Çkalovsk) polis şöbəsinin rəisi təyin edilib.

Daxili İşlər Nazirliyinin (DİN) mətbuat xidmətinin rəhbəri Nusratullo Mahmadzoda bildirib ki, DİN-in narkotik maddələrin qanunsuz dövriyyəsinə qarşı mübarizə şöbəsinin müdirinin keçmiş müavini, general-mayor Nurullo Oripov İsfaranın polis rəisi olacaq.