Şəhidin adına göndərilən mesajla bağlı AÇIQLAMAbackend

Şəhidin adına göndərilən mesajla bağlı AÇIQLAMA

“Fevralın 14-də telefona, şəhidimin adına bir mesaj gəldi. Baxdım, oxudum, gözlərimə inanmadım. Mesajda deyilirdi ki, “Hörmətli Mahmudov Etibar Aleksandr oğlu, fərdi məşğulluq proqramının tərtib və əldə edilməsi üçün 5 iş günü müddətində Regionl məşğulluq filiallarına və ya xidmət şöbələrinə yaxınlaşmağınız xahiş olunur. Əks halda işsiz kimi qeydiyyatdan müvəqqəti çıxarılacaqsınız”. 

KONKRET.az xəbər verir ki, bu sözləri Etikxeber.az-a İkinci Vətən Müharibəsi Şəhidi Etibar Aleksandr oğlu Mahmudovun anası Əsmayə Mahmudova deyib. Mingəçevir sakini olan Əsmayə xanım deyir ki, 2 il 3 ay öncə şəhid olan oğlunun nömrəsini öz telefonunda istifadə edir. Mesaj da elə bu nömrəyə gəlib: Mənim övladım şəhid olub, bunların heçmi dünyadan xəbərləri yoxdur? Bu qədər məsuliyyətsizlik, bu qədər vicdansızlıq olarmı? Şəhidin ruhuna edilmiş hörmətsizlik aradan qaldırılsın, şəhidin ruhundan və məndən üzr istənilsin!”

Məsələ ilə bağlı​ Dövlət Məşğulluq Xidmətinin mətbuat xidmətindən mövzu ilə bağlı Qafqazinfo-ya açıqlama verilib:

“Şəhidimiz Etibar Mahmudovun vaxtilə istifadə etdiyi, hazırda da adına aktiv olan telefon nömrəsinə göndərilmiş SMS-lə bağlı Dövlət Məşğulluq Agentliyinin əməkdaşları şəhidimizin anası Əsmayə Mahmudova ilə görüşüblər. Şəhid ailələrinə daim hörmət və qayğı ilə yanaşıldığı bildirilib, baş vermiş texniki yanlışlıqla bağlı izahat verilib”.

Qeyd edək ki, Etibar Mahmudov 8 noyabr 2020-ci ildə Qubadlı istiqamətində gedən döyüşlər zamanı həlak olub. Mingəçevir Şəhidlər Xiyabanında torpağa tapşırılıb. Şəhid ölümündən sonra “Vətən uğrunda”,  “Cəbrayılın azad olunmasına görə”,  “Qubadlının azad olunmasına görə” və “Cəsur döyüşçü” medalı ilə təltif olunub.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*