Ermənistan Milli Assambleyasının iclasında parlamentin spikeri Alen Simonyan Türkiyənin xarici işlər naziri Hakan Fidan və regional tərəfdaşlara Ermənistan cəmiyyətinin sülh təşəbbüslərinə verdikləri dəstəyə görə təşəkkür edib.

KONKRET.az xəbər verir ki, onun sözlərinə görə, Türkiyənin xarici işlər nazirinə və TRIPP çərçivəsində ticarətin inkişafına çağırışları dəstəkləyən bütün regional tərəfdaşlara minnətdarlıq ifadə olunur.

Alen Simonyan bildirib ki, bu cür addımlar regionda iqtisadi əlaqələrin möhkəmlənməsi və sabitliyin təmin olunması üçün şərait yaradır, eyni zamanda ölkələr arasında dialoqun irəliləməsinə töhfə verir.

Müşviq Tofiqoğlu
KONKRET.az