Bu gün Prezident İlham Əliyev Rövnəq Abdullayevi SOCAR-ın prezidenti vəzifəsindən azad edib.

Dövlət başçısının digər sərəncamı ilə R.Nəcəf Dövlət Neft Şirkətinin birinci vitse-prezidenti təyin edilib.

Dövlət Neft Şirkətinin prezidenti vəzifəsinin müvəqqəti icrası Rövşən Nəcəfə həvalə edilib.

KONKRET.az bildirir ki, Rövşən Nəcəf 9 aprel 1982-ci ildə Bakı şəhərində anadan olub.

2001-ci ildə Azərbaycan Dövlət İqtisad Universitetinin Beynəlxalq iqtisadi münasibətlər fakültəsini bakalavr, 2003-cü ildə isə magistr dərəcələri üzrə fərqlənmə ilə bitirib.

2007–2008-ci illərdə ABŞ-ın Kolumbiya Universitetində “İqtisadi Siyasətin İdarəedilməsi/Beynəlxalq Enerji Menecmenti və Siyasəti” üzrə magistr proqramını tamamlayıb.

24 dekabr 2021-ci ildən İqtisadiyat nazirinin birinci müavini vəzifəsində işləyirdi.

İqtisadiyyat üzrə fəlsəfə doktorudur.

Evlidir, 2 övladı var.