Ermənilər könüllü olaraq Qərbi Zəngəzurun kəndlərini tərk edirlər.

KONKRET.az xəbər verir ki, bu barədə erməni iqtisadi müşahidəçi Akop Koçaryan bildirib.

“Syunikdə (Zəngəzur – red.) əhalinin kəskin seyrəlməsi var. 2018-ci ilə kimi Zəngəzurda neçə erməni kəndinin boş qaldığını bilirsiniz? Onlarla kənd viran olub. İrəvanda hamının bundan xəbəri var, amma gizlədirlər.

Rəsmi statistikaya görə, 2017-ci ildə Sünik vilayətinin əhalisi 138,9 min nəfər olub. Rəsmi məlumatlara görə, son vaxtlar bölgəni beş minə qədər insan tərk edib.

Yeri gəlmişkən, onların hamısı Zəngəzurdan öz istəkləri ilə ayrılıblar”, – deyə Koçaryan bildirib.

Xuraman Etibarlı,

KONKRET.az