İran sərhədçiləri ilə Taliban arasında toqquşma baş verib.

KONKRET.az xəbər verir ki, Nimroz vilayətinin Konq rayonu yaxınlığında İran sərhədçiləri ilə Taliban arasında toqquşma baş verib. Toqquşmadan sonra İran tərəfi ağır silahlardan istifadə edib və İran silahlı qüvvələrinin çoxsaylı bölmələri Əfqanıstan sərhədinə yaxınlaşıb.

Bundan bir müddət qabaq farslar İranda gizlənən əfqan hərbçiləri Talibana təhvil verməkdən imtina etmişdi. Həmin əfqan hərbçilər tez bir zamanda Əfqanıstanın İranla qonşu rayonlarına girərək Amerika texnikasını oğurladılar və texnikaları Talibana təhvil verməkdən imtina etdilər.

Ən əsası, bu hadisələrin fonunda farslar əfqan torpaqlarının bəzi hissələrini ələ keçirdi və  geri qayıtmaqdan imtina edirlər.
Ən son aldığımız məlumata görə, Nimroz əyaləti ilə sərhəddə 2 İran keçid məntəqəsi Taliban tərəfindən ələ keçirilib.

Bunlar “Dost Məhəmməd” və “Balayi Siyah Çaşman” keçid məntəqələridir. Bu barədə yerli mənbələrə istinadən Aamaj News məlumat yayıb
Məlumata görə, Taliban qradlardan istifadə etməyə başlayıb

Hadisələri izləyirik, əlavə məlumat veriləcək.

Xuraman Etibarlı

KONKRET.az