Xəbər verdiyimiz kimi, Bakı-Quba avtomobil yolunun Sumqayıtdan keçən hissəsində ölümlə nəticələnən yol-nəqliyyat hadisəsi baş verib.

Qəza avtomobil yolunun Hacı Zeynalabdin qəsəbəsindən keçən hissəsində qeydə alınıb. “Mercedes” markalı avtomobil körpüdən aşıb.

Qəza nəticəsində bir ailənin 3 üzvü – sürücü 1988-ci il təvəllüdlü Əliyev Seymur Fikrət oğlu, həyat yoldaşı 1999-cu il təvəllüdlü Ələkbərova Fidan Mövsüm qızı və onların övladları 2021-ci il təvəllüdlü Həmzə Əliyev hadisə yerində ölüb.

KONKRET.az-ın şimal bürosu xəbər verir ki, dünyasını dəyişən şəxslər bu gün Qusarda dəm qazı faciəsi nəticəsində ölənlərin yaxın qohumlarıdır. Ailə bu səbəbdən Qusara gedirmiş.

Faktla bağlı araşdırma aparılır.

Emin Kərimov,

KONKRET.az