Taliban rejiminin Daxili İşlər Nazirliyi Əfqanıstandan Amerika istehsalı olan nəzarət və kəşfiyyat şarlarını qaçaqmalçılıq yolu ilə İrana aparmaq istəyən şəxsi saxlayıb.

KONKRET.az “Azad İran”a istinadən xəbər verir ki, Mustafa adlı bu şəxs Qəndəhar vilayətində həbs edilib. Taliban onunla əlbir olan Əlirza adlı digər şəxsin isə axtarışda olduğunu bildirib.

Məlumatda həmin şəxslərin milyonlarla dollar qiyməti olan bu şarı 400 min dollar qarşılığında İrandan olan alıcılara satmaq istədikləri qeyd edilir. Digər məlumatlarda isə bu məbləğ 35 milyon dollar olaraq göstərilir.