ABŞ prezidenti Donald Tramp İranın daxili siyasi mühitində baş verən gərginlik və regional münaqişələrlə bağlı növbəti şok bəyanatını yayıb. Tramp öz “Truth Social” hesabında İran rəhbərliyini kəskin tənqid edərək bildirib ki, hazırda Tehran rejimi tam bir xaos içindədir. O, İranda “radikallar” və “mötədillər” adlandırılan qruplar arasındakı daxili çəkişməni “dəlilik” kimi qiymətləndirib.

KONKRET.az xəbər verir ki, Trampın sözlərinə görə, döyüş meydanında ağır məğlubiyyətə uğrayan radikal qüvvələr və əslində heç də mötədil olmayan, lakin nüfuz qazanmağa çalışan qruplar arasında gedən mübarizə İranı idarəolunmaz hala salıb. “İran üçün hazırda liderlərinin kim olduğunu anlamaq çox çətindir!” deyən Tramp, ABŞ-ın regionda hərbi üstünlüyünü bir daha vurğulayıb. O qeyd edib ki, strateji əhəmiyyətli Hormuz boğazı hazırda tamamilə ABŞ Hərbi Dəniz Qüvvələrinin nəzarəti altındadır və İran yeni bir “saziş” imzalayana qədər bu keçid “sıx şəkildə möhürlənmiş” qalacaq.

Natiq Səlim,
KONKRET.az